مسكنك يالغالي

مسكنك ياالغالي وسط جاش مغليك=بين الضلوع الحدب موقعك يازين
مديت لك شريان قلبي يغذيك=وزرعت لك بالجاش ورد وبساتين
وضلوع صدري من العواصيف تحميك=والقلب قصرك لانويتي تباتين
ونبضات قلبي من سناها تدفيك=ليا غفيتي بين ذيك الشرايين
والفكر لك في كل حزه يقديك=دليلك اللي يدعمك بالبراهين
الحب راس المال مايصرفه شيك=متوازيه توزيعته بين شخصين
والشيك ماضني تطوله اياديك=الا اذا اعلنتي فراق المحبين
واذا نويتيها فلاني بجافيك=لكن بذكرك العهد قبل عامين
باروح عنك بس ماني بناسيك=مادامني موجود مع ناس حيين
ونتي لابد ان الليالي تصحيك=حتى تكونين انتي اللي تعانين
ون قلتي ارجع قلت ماوالله اجيك=مادام في السابق نويتي تخونين
قدكنت من دم الشرايين معطيك=وصخرت لك كل الصعايب من سنين
ونتي نسيتيني ونا ميت فيك=واليوم روحي ياعسى ماتعودين
النفس طابت يوم شافت مواريك=بلقى بدالك لكن انتي ماتلقين
عساك ماتلقين والله يجازيك=الود نادر والبشر بالملايين
مادام بعتي واحد كان شاريك=اليوم باعك وانقضى باقي الدين



اخوكم الشاعر والاعلامي/علي بن جمه اليامي
مدير مكتب مجلة الوجد الشعريه وعضو قناة رواسي الفضائيه